ಕೋವಿಡ್ ೧೯ ಕರ್ಫ್ಯೂ ನಿಯಮಾವಳಿಗಳು

ಕೋವಿಡ್ ೧೯ ಸಾಂಕ್ರಾಮಿಕ ರೋಗ ತಡೆಗಟ್ಟುವ ನಿಟ್ಟಿನಲ್ಲಿ ಮೇ 12 ಬೆಳಗ್ಗೆ 6 ಗಂಟೆಯವರೆಗೆ ಈ ಕ್ರಮಗಳು ಜಾರಿಯಲ್ಲಿರುತ್ತವೆ.

ಈ ಅವಧಿಯಲ್ಲಿ ಜನರ ಓಡಾಟ ಸಂಪೂರ್ಣ ನಿಷೇದಿಸಲಾಗಿದೆ.
ತುರ್ತು, ಅವಶ್ಯಕ ಸೇವೆಗಳು ಮಾತ್ರ ಲಭ್ಯವಿರುತ್ತವೆ.
ವ್ಯಕ್ತಿಗಳು ತುರ್ತು ಸೇವೆಗಳಿಗಾಗಿ ಓಡಾಡಬಹುದು.
ಹೊಟೇಲಿಂದ ಪಾರ್ಸೆಲ್ ಸೇವೆಗೆ ಅವಕಾಶ
ರೈಲು ಹಾಗು ವಿಮಾನ ಸೇವೆ ಲಭ್ಯವಿರುತ್ತದೆ.
ಯಾವುದೇ ಬಸ್ ಸಂಚಾರ ಇರುವುದಿಲ್ಲ
ಬೆಂಗಳೂರಿನಲ್ಲಿ ಮೆಟ್ರೋ ಸಂಚಾರ ಇರುವುದಿಲ್ಲ.
ಆಟೋ ಸಂಚಾರ ರದ್ದು
ಅಂತರ್ ಜಿಲ್ಲಾ – ಅಂತರ್ ರಾಜ್ಯ ಪ್ರಯಾಣಕ್ಕೆ ಅವಕಾಶವಿಲ್ಲ. ಅನಿವಾರ್ಯ ಸಂದರ್ಭಗಲ್ಲಿ ಪೊಲೀಸ್ ಅನುಮತಿಯೊಂದಿಗೆ ಅವಕಾಶ ನೀಡಬೇಕು.
ಹೋಟೆಲ್ ಗಳಿಂದ ದಿನದ ೨೪ ಗಂಟೆಯೂ ಪಾರ್ಸೆಲ್ ಸೇವೆಗೆ ಬೆಂಬಲ.
ದಿನಸಿ ಅಂಗಡಿಗಳಿಗೆ ಬೆಳಗ್ಗೆ ೬ರಿಂದ ೧೦ರವರೆಗೆ ಅವಕಾಶ

Curfew In Bangalore, COVID Restrictions In Karnataka, Coronavirus Hotspot In Karnataka

ನಿಷೇದಿಸಲಾಗಿರುವ ಚಟುವಟಿಕೆಗಳು

ಶಾಲಾ- ಕಾಲೇಜುಗಳು, ತರಭೇತಿ ಸಂಸ್ಥೆಗಳನ್ನು ಈ ಅವಧಿಯಲ್ಲಿ ಮುಚ್ಚಬೇಕು. ಆನ್ ಲೈನ್- ದೂರ ಶಿಕ್ಷಣ ವ್ಯವಸ್ಥೆಯನ್ನು ಹೆಚ್ಚು ಹೆಚ್ಚಾಗಿ ಅಳವಡಿಸಿಕೊಳ್ಳಬೇಕು.
ಸಿನಿಮಾ ಮಂದಿರಗಳು, ಶಾಪಿಂಗ್ ಮಾಲ್ಸ್, ಈಜು ಕೊಳಗಳು, ಕ್ರೀಡಾ ಸಂಕೀರ್ಣಗಳು, ಯೋಗ ಸಂಸ್ಥೆಗಳು, ಬಾರ್ ಗಳು, ಮನೋರಂಜನಾ ತಾಣಗಳು ಈ ಅವಧಿಯಲ್ಲಿ ಮುಚ್ಚಲ್ಪಟ್ಟಿರುತ್ತವೆ.
ಈಜು ಸಂಸ್ಥೆಯಿಂದ ಮಾನ್ಯತೆ ಪಡೆದ ಈಜು ಕೊಳಗಳನ್ನು ಕೇವಲ ಈಜು ಪಟುಗಳ ಅಭ್ಯಾಸಕ್ಕಾಗಿ ಮಾತ್ರ ತೆರೆಯಬಹುದು.
ಕ್ರೀಡಾ ಸಂಕೀರ್ಣಗಳನ್ನು ಪ್ರೇಕ್ಷಕರಿಲ್ಲದೆ ಪಂದ್ಯಾವಳಿಗಳನ್ನು ನಡೆಸಲು ಹಾಗು ಕ್ರೀಡಾಪಟುಗಳ ತರಭೇತಿಗೆ ಮಾತ್ರ ತೆರೆದಿಡಬಹುದು.
ಎಲ್ಲ ರೀತಿಯ ಧಾರ್ಮಿಕ, ರಾಜಕೀಯ, ಸಾಮಾಜಿಕ, ಮನೋರಂಜನಾ ಸಮಾರಂಭಗಳು ಹಾಗು ಇತರ ಸಭೆಗಳು.
ಎಲ್ಲಾ ಧಾರ್ಮಿಕ ಸ್ಥಳಗಳು. ದೇಗುಲದ ಪೂಜೆ- ನಿರ್ವಹಣೆ ಮಾಡುವವರಿಗಷ್ಟೇ ಅವಕಾಶ
ಹೋಟೆಲ್ ಗಳಲ್ಲಿ ಪಾರ್ಸೆಲ್ ಗೆ ಮಾತ್ರ ಅವಕಾಶ
ಬಾರ್ ನಿಂದ ಮದ್ಯ ಪಾರ್ಸೆಲ್ ತೆಗೆದುಕೊಂಡು ಹೋಗಲು ಅವಕಾಶವಿದೆ.

ನಿರ್ಮಾಣ ಕಾಮಗಾರಿಗಳು

ಎಲ್ಲಾ ನಿರ್ಮಾಣ ಹಾಗು ಮುಂಗಾರು ಪೂರ್ವ ಕಾಮಗಾರಿಗಳನ್ನು ಅನುಮತಿಸಲಾಗಿದೆ. ಆದರೆ ಎಲ್ಲಾ ಕೋವಿಡ್ ೧೯ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು.

ಕೈಗಾರಿಕಾ ಕ್ಷೇತ್ರ

* ಗಾರ್ಮೆಂಟ್ ಹೊರತು ಪಡಿಸಿ ಎಲ್ಲಾ ಕೈಗಾರಿಕೆಗಳಿಗೆ ಈ ಅವಧಿಯಲ್ಲಿ ಅನುಮತಿಸಲಾಗಿದೆ. ಆದರೆ, ಕೋವಿಡ್ ೧೯ ನಿಯಮಗಳನ್ನು ಕಾರ್ಖಾನೆಗಳಲ್ಲಿ ಕಡ್ಡಾಯವಾಗಿ ಪಾಲಿಸಬೇಕು. ನೌಕರರ ಓಡಾಟಕ್ಕೆ ಅಗತ್ಯವಾದ ಗುರುತಿನ ಚೀಟಿ ನೀಡಬೇಕು.

ವಾಣಿಜ್ಯ ಹಾಗೂ ಖಾಸಗಿ ಸಂಸ್ಥೆಗಳು

ನ್ಯಾಯ ಬೆಲೆ ಅಂಗಡಿಗಳು, ಮೀನು, ಮಾಂಸ, ಹಾಲು ಮಾರಾಟ ಮಳಿಗೆಗಳಿಗೆ ಅವಕಾಶ ನೀಡಲಾಗಿದೆ.
ಹೂವು, ಹಣ್ಣು, ತರಕಾರಿ ಮಾರುಕಟ್ಟೆ ಗಳನ್ನು ವಿಶಾಲ ಪ್ರದೇಶಗಳಿಗೆ ಸ್ಥಳಾಂತರಿಸಬೇಕು. ಇಲ್ಲಿ ಕೋವಿಡ್ ೧೯ ನೀತಿಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು.
ಆಹಾರ ಸಂಸ್ಕರಣಾ ಘಟಕಗಳಿಗೆ ಅವಕಾಶ ನೀಡಲಾಗಿದೆ.
ಬ್ಯಾಂಕ್, ಎಟಿಎಂ ಗಳಿಗೆ ಅವಕಾಶ.
ಮಾಧ್ಯಮಗಳಿಗೆ ಅವಕಾಶ
ಈ ಕಾಮರ್ಸ್ ಸಂಸ್ಥೆಗಳಿಗೆ ಅವಕಾಶ.
ಹಣಕಾಸು ಸಂಸ್ಥೆಗಳ ಕಾರ್ಯ ನಿರ್ವಹಣೆಗೆ ಅವಕಾಶ
ಶೀತಲೀಕರಣ ಘಟಕಗಳು ಕಾರ್ಯ ನಿರ್ವಹಿಸಬಹುದು.
ಖಾಸಗಿ ಸುರಕ್ಷತಾ ಸೇವೆ ನೀಡುವ ಸಂಸ್ಥೆಗಳಿಗೆ ಅವಕಾಶ.

ಸರಕಾರಿ/ ಖಾಸಗಿ ಕಚೇರಿಗಳ ಕಾರ್ಯನಿರ್ವಹಣೆಗೆ ಮಾರ್ಗಸೂಚಿ

ಅತಿ ಕಡಿಮೆ ನೌಕರರ ಮೂಲಕ ಕಚೇರಿ ನಿರ್ವಹಣೆ. ಸಾಧ್ಯವಾದಲ್ಲೆಲ್ಲ ಮನೆಯಿಂದಲೇ ನೌಕರರ ಕಾರ್ಯ ನಿರ್ವಹಣೆಗೆ ಅವಕಾಶ.
ಕೇವಲ ಅವಶ್ಯಕ ನೌಕರರು ಕಚೇರಿಯಿಂದ ಸೇವೆ ಸಲ್ಲಿಸಲು ಅವಕಾಶ. ಉಳಿದವರಿಗೆ ಮನೆಯಿಂದ ಕಾರ್ಯ ನಿರ್ವಹಣೆಗೆ ಅವಕಾಶ.
ಇಂಟರ್ನೆಟ್ ಸೇವಾದಾತಾ ಸಂಸ್ಥೆಗಳಿಗೆ ದಿನವಿಡೀ ಕಾರ್ಯನಿರ್ವಹಣೆಗೆ ಅವಕಾಶ.
ಸರಕಾರಿ, ಅರೆ ಸರಕಾರಿ, ಸಾರ್ವಜನಿಕ ಸ್ವಾಮ್ಯದ ಸಂಸ್ಥೆಗಳಲ್ಲಿ ೫೦% ನೌಕರರೊಂದಿಗೆ ಸೇವೆ. ಉಳಿಕೆ ಅಧಿಕಾರಿಗಳು, ನೌಕರರನ್ನು ಕೋವಿಡ್ ೧೯ ಸಂಬಂಧಿ ಸೇವೆಗಳಿಗೆ ಬಳಸಿಕೊಳ್ಳುವುದು.
ನ್ಯಾಯಾಲಯಗಳು ರಾಜ್ಯ ಹೈ ಕೋರ್ಟ್ ಸೂಚನೆಯಂತೆ ಕೋವಿಡ್ ೧೯ ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳುವುದು.
ಕೇಂದ್ರ ಸರಕಾರ ಸ್ವಾಮ್ಯದ ಸಂಸ್ಥೆಗಳು ಕೇಂದ್ರ ಸರಕಾರದ ಸೂಚನೆಯನ್ನು ಪಾಲಿಸುವುದು.
ಎಲ್ಲಾ ಪೆಟ್ರೋಲ್ ಬಂಕ್ ಗಳು ಕೋವಿಡ್ ೧೯ ಸುರಕ್ಷತಾ ಕ್ರಮಗಳೊಂದಿಗೆ ಕಾರ್ಯ ನಿರ್ವಹಿಸುವುದು.

ಸರಕು ಸಾಗಣೆ: ಯಾವುದೇ ನಿರ್ಬಂಧವಿಲ್ಲ

ಕೃಷಿ- ಕೃಷಿ ಸಂಬಂಧಿಸಿದ ಚಟುವಟಿಕೆಗಳು: ಯಾವುದೇ ನಿರ್ಬಂಧವಿಲ್ಲ (ಕಂಟೈನ್ಮೆಂಟ್ ವ್ಯಾಪ್ತಿಯ ಹೊರಗೆ)
ಅರೋಗ್ಯ ಸೇವೆಗಳು: ಅಭಾದಿತವಾಗಿ ಮುಂದುವರಿಯಲಿವೆ. (ಕಂಟೈನ್ಮೆಂಟ್ ವ್ಯಾಪ್ತಿಯ ಹೊರಗೆ)
ಮದುವೆ ಹಾಗು ಇನ್ನಿತರ ಶುಭ ಸಮಾರಂಭಗಳು: ಕೇವಲ ೫೦ ಮಂದಿಗೆ ಅವಕಾಶ. ಕೋವಿಡ್ ೧೯ ನಿಯಮ ಪಾಲನೆ ಕಡ್ಡಾಯ.
ಅಂತ್ಯಕ್ರಿಯೆ: 5 ಜನರಿಗೆ ಅವಕಾಶ. ಕೋವಿಡ್ ೧೯ ನಿಯಮ ಪಾಲನೆ ಕಡ್ಡಾಯ.